No to CON-ASS! Di ako papayag...

NO TO CON-ASS! DI AKO PAPAYAG!

Isang malinaw na pagtraydor sa sambayanang Pilipino ang ginawang pagpasa ng mga maka-Administrasyong mambabatas ng Kongreso ng ating bansa sa Resolution No. 1109, o tinatawag na resolution para maisakatuparan ang isang Constitutional Assembly, ang hakbangin upang mabago ang kasalukuyang pamahalaan patungo sa Parliamentary form of government.

Di ako papayag!

Isang paglapastangan ito sa karapatan ng mga Pilipino. Sa loob ng isang gabi, buong pwersang nilaspastangan ng galamay ni Gloria ang bayang Pilipino upang magawa nila ang isa sa mga hakbangin nila para makakapit pa sa kapangyarihan.

Di ako papayag, di kami papayag!

Kasama na sa mga bumoto para dyan ang aming congressman, Hon. Roque Ablan, Jr. Iginagalang ko man siya bilang pinuno sa aming distrito ngunit hindi ako payag sa kanyang naging hakbang. Isa siya sa mga taksil ng bayang Pilipino, hindi ko siya maipagmamalaki.

Di ako papayag, di kami papayag, di pumapayag ang sambayanang Pilipino!

Kahit sino sa kanilang mga bumoto ay di maipagmamalaki ninuman. Sa gitna ng mga problemang pang-ekonomiko, pang-kaayusan, panlipunan at iba pa ng bansa, papaano nila maisisingit ang isang bagay na tumutugon lamang sa kanilang pansariling interest? Kung hindi naman mga lapastangan at mga walang utang na loob ang mga taong ito. Papaano nilang isingit ang usaping itong ni hindi makatutulong sa mga problema ng bayan kundi magdudulot lang ng mas matinding kaguluhan sa mga tao? Mga tampalasan, mga tuta ng palasyo, mga tuta ni Arroyo.

Hindi man namin kayo malitis ngayon dahil sa mga pinaggagawa-gawa niyo, hayaan ninyong ang kasaysayan mismo ng bansang ito ang siyang magpapataw ng tiyak na parusa sa inyong mga alaala bilang mga taong nagpapahirap pa sa mga Pilipino. HISTORY WILL SEE YOU ALL!

DI AKO PAPAYAG! na busalan na naman ninyo ang mga Pilipino. SA MGA NAGMAMAHAL SA ATING BANSA, ITO NA ANG TAMANG PANAHON UPANG WAKASAN NA ANG PAGHAHARI NG MGA BALUKTOT NA LIDER NG BANSANG ITO. KUNG MAY PAGMAMAHAL PA KAYO SA BAYAN NA ITO KUMILOS, BUMOTO KA SA SUSUNOD NA ELEKSYON, AT HUWAG SUPORTAHAN ANG CON-ASS NA IYAN KUNG MAGKAROON MAN NG ISANG PLEBESITO O REFERENDUM ANG BANSA.

Kasama lahat ng mga Pilipinong naninindigan para sa isang malayang Pilipino at isang maayos, mapayapa, at maunlad na bansa, AKING SINUSUPORTAHAN ANG MGA PILIPINONG SUMISIGAW NGAYON NG:

NO TO CON-ASS!

KAAWAAN NAWA NG DIYOS ANG BANSANG PILIPINAS!